Comórtas Uí Néill 2010
Le dhá bhliain anuas reáchtáil Comhdháil Náisiúnta na Gaeilge comórtas filíochta le linn Cuairt na bhFilí Albanacha ar Éireann agus ní haon eisceacht í 2010.
Tá Comórtas Uí Néill 2010 dúnta anois ach beidh an comórtas á reachtail arís i 2011 mar chuid den fhéile Cuairt na bhFilí Albanacha.
Is comórtas dátheangach é seo áit ar féidir le hiarratasóirí dán scríofa i nGaeilge na hÉireann nó Gaeilge na hAlban a sheoladh isteach ach aistriúchán Béarla a chuir ar fáil chomh maith.
Níl aon chostas ag baint leis an gcomórtas seo ná níl aon srian ar na dánta ó thaobh téama de ach oiread.
Bhí príomhdhuais €500 á thairiscint don bhuaiteoir arís i mbliana agus foilseofar é ar an irisleabhar Comhar, Gaelport.com agus sa nuachtlitir Eolas.
Roghnaíodh buaiteoir 2010 ar an Aoine 23 Aibreán ag oíche mhór an chomórtais ag Cois Teallaigh i gComhdháil Náisiúnta na Gaeilge.
Is iad seo a leanas na dánta a bhain amach an gearrliosta i mbliana:
Agallamh na nÓgánach – Tadhg Ó Dúshláine
An t-Eilean Siar – Rody Gorman
Bróga – Proinsias Mac a’Bhaird
Craobhlasair – Caitríona Ní Chleircín
Eireannaich – Aonghas Mac Neacail
Facal an Duin’ Òig - Teàrlach Quinnell
Maireann Iarúsailéim - Pádraig Mac Fhearghusa
Melusina – Labhrás Ó Finneadha
Tá fáil ar an dán buacach 'Bróga' scríofa ag an bhfile Proinsias Mac a'Bhaird anseo
Má tá aon cheist agat i dtaobh Thuras na bhFilí, is féidir teagmháil a dhéanamh le Síle Ní Chatháin ag 01 6794780 nó ag sile@comhdhail.ie