Ba bhreá liom úsáid a bhaint as mo chuid Gaeilge: aon mholtaí?

Más easpa cleachtadh comhrá ar do chuid Gaeilge labhartha atá i gceist tá bealaí éagsúla chun feabhas a chur ar do chuid Gaeilge.  Is féidir freastal ar  Ranganna Gaeilge do dhaoine fásta, (féach an tEolaire) nó b'fhéidir am a chaitheamh i gCiorcal Comhrá. Bíonn Ciorcal Comhrá ar siúl i rith na bliana in Áras na Comhdhála (féach Imeachtaí).  Chun taithí a fháil agus cleachtadh ar fhuaimeanna cainte agus canúintí éagsúla moltar duit éisteacht le Raidió na Gaeltachta nó Raidió na Life agus féachaint ar TG4.  Is fiú na nuachtáin Gaeilge a cheannach, (Foinse agus Saol) chun tuilleadh eolais faoi saol na Gaeilge a fháil.

Chomh maith leis sin céard faoi laethantha saoire sa Ghaeltacht? 
Déan teagmháil le
Gael-saoire Teil: (066) 915 2423
R-phost info@gaelsaoire.ie 
Suíomh idirlíon www.gaelsaoire.ie.