An Fáinne

An Fáinne – do nasc leis an nGaeilge  

Is siombail choitianta tras-chultúrtha é fáinne a sheasann don aontacht agus don leanúnachas.  Ní bhíonn tús nó deireadh leis, ná deighilt ar bith ann, agus léiríonn sé comhlántacht agus síoraíocht.   Tá An Fáinne mar shiombail ar an nasc atá agat leis an nGaeilge.  Caitear An Fáinne mar chomhartha go bhfuil Gaeilge agat agus go bhfuil tú toilteanach í a labhairt.  

Is do dhaoine le cumas bunúsach sa Ghaeilge atá an Fáinne Airgid. Léiríonn an Fáinne Óir go bhfuil líofacht sa Ghaeilge agat. Tá an Seanfháinne (Ór) ar fáil chomh maith dóibh siúd gur mhaith leo é.  

Tá suaitheantas den teideal 'Cúpla Focal' ar fáil dóibh siúd ar bheagán Gaeilge atá bródúil as an gcúpla focal atá acu.  Bronnann Comhdháil Náisiúnta na Gaeilge Duais an Fháinne i gComórtas idirnáisiúnta Ghlór na nGael ar an gcoiste áitiúil is mó a chuireann fealsúnacht agus caitheamh An Fháinne chun cinn.   Bioráin ar ard-chaighdeán, atá snasta, loinnreach agus álainn.  

Caith An Fáinne – léirigh do nasc leis an nGaeilge

Ar bheagán Gaeilge? Léirigh tacaíocht tríd an suaitheantas “Cúpla Focal” a chaitheamh

Roghnaigh An Fáinne a oireann don leibhéal cumais atá agat Ceannaigh ar líne anois - www.fainne.ie Lascaine 10% ar ordaithe de 25 suaitheantas nó níos mó   

  • Fáinne Óir € 5.50
  • Fáinne Airgid € 4.00
  • Seanfháinne € 7.00
  • Cúpla Focal € 4.00

Ceannaigh Fáinne ar líne anois!

Anois is féidir fáinne a cheannach ar líne ar www.gaelport.com. Is fearr cliceáil ar an nasc seo chun fáinne a cheannach nó téigh chuig 'Siopa' ag barr an leathanaigh.

 

Bí ar an eolas - Cláraigh dár ríomhirisí




© 1995-2011 Gaelport ™
Comhdháil Náisiúnta na Gaeilge, 46 Sráid Chill Dara, Baile Átha Cliath 2 | Fón: +353 1 6794780 | Facs: +353 1 6790214