An Nuacht is déanaí le Gaelport.com

Athchóiriú ar luach €435,266 ceadaithe d’áis phobail sa Cheathrú Rua

Athchóiriú ar luach €435,266 ceadaithe d’áis phobail sa Cheathrú Rua

D’fhógair an tAire Stáit, Donncha Mac Fhionnlaoich go gclúdófar 80% de chostas athchóirithe ar sheanmhonaracha sa Cheathrú Rua.


Tá an liúntas seo de luach €435,266 á bhronnadh ar Chomharchumann Mhic Dara chun go rachaidh an an seanmhonarcha seo in oiriúint do riachtanais an phobail agus mar chóiríocht do choláistí Gaeilge sa cheantar.

Dúirt an tAire Mac Fhionnlaoich go “treiseofar iarrachtaí an chomharchumainn agus an phobail araon an Ghaeilge a chur chun cinn sa cheantar” mar thoradh ar an mór-infheistíocht seo.

Cuirfidh an t-athchóiriú 8 seomra ranga, 4 oifig, halla spóirt, leithris agus seomraí feistis ar fáil in aon ionad amháin.

Tá na coláistí Gaeilge Coláiste Chiaráin agus Coláiste Cholumba ag feidhmiú i gceantar na Ceathrún Rua le blianta fada anuas. Mar gheall ar easpa spáis oiriúnaigh, bíonn an dá choláiste seo ag brath ar raon leathan cóiríochta sa cheantar — idir na scoileanna áitiúla, hallaí pobail, chomh maith le cóiríocht eile ar nós oifigí sa chomharsanacht. Beidh an t-ionad úr mar thacaíocht mhór don obair leanúnach a bhíonn ar bun ag na coláistí.

Anuas air seo, cuideoidh an infheistíocht le cúrsaí pleanála teanga ar an gCeathrú Rua sa tslí is go mbeidh lárionad tacaíochta teaghlaigh agus Gaeilge ar an suíomh mar atá molta sa Straitéis 20 Bliain don Ghaeilge.

 

© Foilsithe ar Gaelport.com 15 Aibreán 2013

Seans go mbeidh spéis agat sna scéalta a leanas:

Treochlár seolta le teangacha uile na hEorpa a chaomhnú agus a chur chun cinn

Seimineár ar dheiseanna oibre leis an Aontas Eorpach

Gearrliosta Chomórtas Tríú Leibhéal Ghlór na nGael fógartha

Lean an scéal seo agus @Gaelport ar Twitter: #Gaeilge



le Sibéal Davitt, Gaelport.com

Bí ar an eolas - Cláraigh dár ríomhirisí




© 1995-2011 Gaelport ™
Comhdháil Náisiúnta na Gaeilge, 46 Sráid Chill Dara, Baile Átha Cliath 2 | Fón: +353 1 6794780 | Facs: +353 1 6790214