An Nuacht is déanaí le Gaelport.com

Deiseanna do ghnólachtaí na Gaillimhe- Gradaim Ghaillimh le Gaeilge

Deiseanna do ghnólachtaí na Gaillimhe- Gradaim Ghaillimh le Gaeilge

Tá ullmhúcháin tosaithe cheana féin do Ghradam Sheosaimh Uí Ógartaigh 2013.


Pacáiste gnó de luach €20,000 a bhronntar ar bhuaiteoirí an Ghradaim agus é oscailte do dhaoine ar bheagán Gaeilge mar aon le cainteoirí líofa.

Beidh tráthnóna eolais dátheangach á reáchtáil ag Gaillimh le Gaeilge i gcomhar le EmployAbility Galway, buaiteoirí Ghradam Sheosaimh Uí Ógartaigh 2012, ar Dé Máirt, 29 Eanáir 2013.

Tabharfaidh an ócáid seo deis do ghnólachtaí a bhaineann leas as an nGaeilge i ngnéithe ar leith dá gcuid gnó aithne a chur ar bhuaiteoirí na bliana seo caite, foirmeacha iarratas a líonadh amach agus freagra a fháil ar cheisteanna ar bith atá acu faoin ngradam.

Níl ionad socraithe go fóill ach is féidir ríomhphost a sheoladh chuig gearoidin@gleg.ie le haghaidh tuilleadh eolais.

Is léir go bhfuil dul chun cinn suntasach déanta le déanaí ó thaobh feiceálacht na Gaeilge ar sráideanna na Gaillimhe. Tá cinneadh déanta ag roinnt gnólachtaí agus eagraíochtaí úsáid a bhaint as comharthaíocht dhátheangach lena ngnó a chur chun tosaigh.

Chuir ‘The Great Outdoors’ ar Shráid Eglington síneadh lena siopa le gairid agus mar chuid den athchóiriú sin, cuireadh an seanfhocal aitheanta – ‘Is fearr an tsláinte ná na táinte’ in airde. Chomh maith leis sin, tá an siopa bróg aitheanta ‘Logues’, tar éis úsáid a bhaint as comharthaíocht Ghaeilge laistigh agus lasmuigh den siopa agus ar na málaí siopadóireachta.

Molann Gaillimh le Gaeilge do ghnólachtaí an dea-shampla a leanúint chun mbeidh stádas ard ag an nGaeilge mar theanga gnó sa chathair.

 

© Foilsithe ar Gaelport.com 05 Nollaig 2012

Seans go mbeidh spéis agat sna scéalta a leanas:

‘Preabshiopa Leabhar’ le litríocht na Gaeilge a chur chun cinn

Aip úr eile don óige seolta ag TG4

Na Gaeil Óga ag earcú imreoirí úra

Lean an scéal seo agus @Gaelport ar Twitter: #Gaeilge



le Sibéal Davitt, Gaelport.com

Bí ar an eolas - Cláraigh dár ríomhirisí




© 1995-2011 Gaelport ™
Comhdháil Náisiúnta na Gaeilge, 46 Sráid Chill Dara, Baile Átha Cliath 2 | Fón: +353 1 6794780 | Facs: +353 1 6790214