An Nuacht is déanaí le Gaelport.com

Tacaíocht léirithe ag iarrthóirí na hUachtaránachta don Ghaeilge

Tacaíocht léirithe ag iarrthóirí na hUachtaránachta don Ghaeilge

Léirigh iarrthóirí na hUachtaránachta a dtacaíocht don Ghaeilge i litir chuig eagarthóirí na nuachtáin náisiúnta agus réigiúnacha inniu. 


Bhailigh Comhdháil Náisiúnta na Gaeilge síniú ó gach aon iarrthóir, agus sa litir d’aithin na hiarrthóirí tábhacht na Gaeilge d’fhéiniúlacht na tíre agus an ról tábhachtach atá ag Oifig an Uachtaráin i dtaobh chur chun cinn na Gaeilge agus todhchaí na teanga dá réir.

Gheall gach iarrthóir sa chás go dtoghfaí iad mar Uachtarán na hÉireann go gcomhlíonfadh siad na gealltanais thíos:

a.       Tabharfaidh mé gach tacaíocht ar féidir liom don Ghaeilge mar phríomhtheanga náisiúnta na hÉireann.

b.      Bainfidh mé úsáid as an nGaeilge oiread is ar féidir liom i gcomhlíonadh mo dhualgais mar Uachtarán, agus ag ócáidí poiblí i gcéin agus i gcóngar.

c.       Tabharfaidh mé gach cosaint do stádas na Gaeilge mar atá leagtha síos in Alt 8 de Bhunreacht na hÉireann 1937.

Is féidir an litir iomlán a léamh ag an nasc seo: Litir Thacaíochta don Ghaeilge ó Iarrthóirí na hUachtaránachta 2011.pdf

© Foilsithe ar Gaelport.com 24 Deireadh Fómhair 2011


Bí ar an eolas - Cláraigh dár ríomhirisí




© 1995-2011 Gaelport ™
Comhdháil Náisiúnta na Gaeilge, 46 Sráid Chill Dara, Baile Átha Cliath 2 | Fón: +353 1 6794780 | Facs: +353 1 6790214